Новости проекта
Разъяснение ситуации с рекламой и предупреждением МАРТ
Обновленные функции Schools.by
Сустрэча з творцамі Берасцейшчыны.
27 кастрычніка –у сярэдняй школе № 29 была наладжана сустрэча з творцамі Берасцейшчыны.
Такія сустрэчы ўжо сталі традыцыйнымі.
У апошнюю кастрычніцкую суботу да нас завіталі аматары роднага слова: паэт Васіль Дэбіш і перакладчык з нямецкай мовы, літаратар - Бяласін Яўген.
За акном восеньскі дзень. З раніцы імжыць дожджык, а ў кабінеце беларускай мовы і літаратуры, дзе панавала цішыня, гармонія і захапленне родным словам, сабраліся творцы, вучні, настаўнікі, бацькі, прадстаўнікі школьнай бібліятэкі.
На пачатку сустрэчы вучні 5-ых і 8-ых класаў падрыхтавалі невялікае мерапрыемства. Вядучыя (Душкевіч Мікола і Валанцэвіч Веста) “перанеслі” прысутных у эпоху Адраджэння. Самадзейныя артысты паставілі інсцэніроўку пра чалавека-легенду – Ф. Скарыну.
Прыемна, што праз стагоддзі пасля Ф. Скарыны пра роднае слова прымушаюць нас задумацца нашы землякі – літаратары Берасцейшчыны.
В. Дэбіш размову вёў пра беларускую міфалогію, якая не менш цікавая за грэчаскую і рымскую. Сюжэты многіх вершаў і казак кніг “Белабог” і “Пушчанскія дзівы” аўтар пачарпнуў з фальклорных крыніц.
“Дарагія дзеці! Многія з вас чыталі ў кніжках ці чулі пра Русалку і Вадзяніка, Дамавіка і Кладніка, Чорта і Бабу Ягу… Ёсць і яшчэ нямала казачных істот, якіх асцерагаліся ці якіх клікалі на дапамогу нашы далёкія продкі. Пра многіх вы прачытаеце ў гэтых кніжках,” – адзначыў В. Дэбіш.
Далей слова ўзяў Яўген Бяласін – аўтар шматлікіх перакладаў і аўтарскіх кніг паэзіі і кароткай прозы. Пісьменнік прадставіў кнігі вершаў, апавяданняў і перакладаў. Асаблівую ўвагу атрымала кніга “Шчупакабра” , у якой чытач знойдзе гісторыі не толькі пра рыбалку, але і пра вяртанне з яе. Прызначана яна для ўсіх чытаючых ўзростаў. У прысутных была магчымасць паслухаць і іншыя гісторыі, а таксама атрымаць аўтографы мастакоў роднага слова.
Мерапрыемства праляцела хутка, непрыкметна. Усе былі задаволены сустрэчай з майстрамі роднага слова.
ФОТАЗДЫМКІ
Комментарии:
Оставлять комментарии могут только авторизованные посетители.
