Месячнік прававых ведаў.
Месяц красавік 2017 года ў СШ №29 – месячнік прававых ведаў. Заняткі па правах і абавязках дзіцяці ў 10-х і паралелі 6-х класаў правёў праваабаронца Вялічкін Уладзімір Аляксандравіч.
Спачатку Уладзімір Аляксандравіч нагадаў вучням пра гісторыю ўзнікнення права ў Беларусі, а затым школьнікі выконвалі практычныя заданні, якія ім прапаноўваў праваабаронца. Дзеці вызначалі, якое права, з усіх устаноўленых для іх, самае галоўнае, і даказвалі свой пункт гледжання, параноўвалі Закон РБ “Аб правах дзіцяці” і Усеагульную дэкларацыю правоў чалавека. Самыя лепшыя адказы былі адзначаны прызамі.
Не абышлося і без пытанняў, якія вучні задавалі Уладзіміру Аляксандравічу, і фатаграфій на памяць.
З заняткаў па правах і абавязках дзіцяці кожны вучань пайшоў з уласнымі экземплярамі Усеагульнай дэкларацыі правоў чалавека і Законам РБ “Аб правах дзіцяці”.
Шчыры дзякуй Вам, Уладзімір Аляксандравіч, за змястоўныя заняткі.
Класныя кіраўнікі.
