Кастрычніцкія сустрэчы з творчымі людзьмі Берасцейшчыны
У суботу, 22 кастрычніка, у сярэдняй школе № 29 была наладжана сустрэча вучняў з творчымі людзьмі Берасцейшчыны: паэтамі Іванам Мельнічуком, Янінай Грыгаровіч, Васілем Дэбішам.
Кастрычніцкія сустрэчы
У суботу, 22 кастрычніка, у сярэдняй школе № 29 была наладжана сустрэча вучняў з творчымі людзьмі Берасцейшчыны: паэтамi Іванам Мельнічуком, Янінай Грыгаровіч, Васілем Дэбішам.
Такія сустрэчы тут становяцца традыцыйнымі. У мінулым кастрычніку вучні мелі магчымасць слухаць самога Васіля Жуковіча.
У кабінеце беларускай мовы і літаратуры сабраліся творцы, вучні, работнікі школьнай бібліятэкі, бацькі, настаўнікі. Гутарка на роднай мове стварыла цёплую, даверлівую атмасферу.
За акном было хмурна, непрытульная, ішоў дождж. А у школьным кабінеце панавала цішыня, цеплыня, захапленне высокім словам.
Іван Мельнічук, старшыня Берасцейскай філіі СПБ, прадставіў слова Яніне Грыгаровіч. Паэтэса прачытала вершы пра мову, маці, любоў і каханне. Здаецца, вяла гаворку пра звычайнае, пра што гаворым кожны дзень. Але па-жаноцку лірычныя творы поўнілі сэрцы слухачоў дабрыней, душэўнасцю і пяшчотай.
Далей слова ўзяў Васіль Дэбіш. Паэзія гэтага творцы – паэзія шчырага чалавечага пацуцця і глыбокай думкі. Яго вершы цесна звязаны з жыццем самаго паэта, у іх яго думкі і адносіны. З пазіцый свайго ўзросту і вопыту Васіль Дэбіш гаворыць аб значэнні маці для кожнага чалавека і звяртаецца да прысутных з просьбай шанаваць маці, імкнуцца як найбольш быць побач з ёю.
Асабліва прыхільна сустрэлі вучні выступленне Івана Мельнічука, творчасць якога прысвечана пераважна дзецям. Паэт пільна ўзіраецца ў жыцце і паводзіны дзяцей. Гэта і дае яму тэмы і вобразы для творчасці. Гумар, жарты, вершы на тэмы школьнага жыцця, цікавыя гісторыі Івана Мельнічука неназойліва вучаць дзяцей правільным паводзінам, правільным адносінам да жыцця.
Сустрэча з майстрамі слова праляцела хутка, непрыкметна.
За акном па-ранейшаму хмурылася неба, ішоў дождж. А вучні школы акружылі гасцей за аўтографамі. Усе былі ўзрушаны, узвышаны сустрэчай з прыгожым.
Настаўніца беларускай мовы і літаратуры Н.М.Палякова
http://virtualbrest.by/news43052.php
