Новости проекта
Подписывайтесь на нас ВКонтакте!
Голосование
Основная цель посещения школьного сайта
Всего 30 человек

Сустрэча з вучнямі г. Баранавічы

Дата: 24 марта 2016 в 11:43, Обновлено 24 марта 2016 в 12:27
Автор: Лось С. С.

Сустрэча па-беларуску

Некаторыя дзеці жадаюць атрымліваць адукацыю па-беларуску. Па ініцыятыве бацькоў і пры падтрымцы ўладаў ствараюцца класы з навучаннем на роднай мове. Яны існуюць у Брэсце, Баранавічах, Гродне і іншых гарадах.

Брэсцкія навучэнцы і іх бацькі зацікаўлены ў сяброўстве з аднадумцамі з іншых гарадоў. І вось адбылося першае спатканне брэсцкіх и баранавіцкіх вучняў беларускамоўных класаў. 
Францішак Вялічкін з бацькам сустрэў шасцікласніц Ясю і Алісу, якія прыехалі разам з Ясінай маці. Сустрэча пачалася са знаёмства і падарункаў, а цёплая гарбата з цукеркамі выдатна знялі напружанасць паміж дзецьмі. 

Брастаўчане Францішак, Алесь і Мікола падрыхтавалі для гасцей відэа-прэзентацыю аб сваім школьным жыцці ў СШ № 29. А бацькі ў гэты час пагаварылі аб планах на будучыню і вызначыліся з накірункамі супрацоўніцтва. “Нам вельмі важна павялічваць колькасць аднадумцаў,- сказала старшыня бацькоўскага камітэту класа, арганізатар сустрэчы Маргарыта Вялічкіна. – Я лічу, што такая практыка можа быць цікавай не толькі дзецям, але і настаўнікам”. 

Класны кіраўнік 5-га ”Г” Ніна Палякова прапанавала музычную хвілінку: дзяўчынкі з Баранавіч разам з берасцейскімі хлопцамі выканалі беларускія песні. Потым дасведчаны педагог расказала аб лёсе сваіх вучняў, якія атрымалі адукацыю на беларускай мове. “Усе яны вельмі добра ўладкаваліся ў жыцці, і шмат хто з іх займае даволі высокія пасады. Беларуская мова паспрыяла іх прафесійнай кар’еры і бізнэс-сувязям з замежжам”, - падкрэсліла Ніна Мікалаеўна. 

Працягнула размову Маргарыта Вялічкіна, якая адзначыла, што ў Брэсце даволі шмат жадаючых аддаць сваіх дзяцей у клас з беларускай мовай навучання, але яны не ведаюць, куды звяртацца. “Улада зацікаўлена ў пашырэнні беларускамоўнага навучання, усе мы бачым больш рэкламы на нашай мове на вуліцах, расце попыт на беларускую культуру як у нашай краіне, так і за мяжой. Наш клас запрашаюць у госці, мы ўжо ездзілі ў Польшчу і Чэхію, нас клічуць ва Ўкраіну. Мы з задавальненнем наладжваем кантакты. Зацікаўленыя заўжды могуць звярнуцца да мяне на кансультацыю па нумары тэлефона: 8 (029) 795 29 63 ці пашукаць інфармацыю па гэтай тэме на сайце брэсцкага беларускамоўнага класа на vydatnik.brestspring.com, - сказала Маргарыта Міхайлаўна. 

“У Харкаўскім універсітэце імя Скаварады ствараецца факультэт беларускай філалогіі”, – падтрымаў размову бацька Францішака. – “І ўніверсітэт цікавіцца магчымасцямі супрацоўніцтва з беларускім класам у Брэсце і нашым універсітэтам”. 

Пасля насычанай размовы дзеці з бацькамі накіраваліся з экскурсіяй на вуліцы Савецкая і Гогаля, наведалі краязнаўчы музей, “аптэку Грынберга” і пакой памяці Высоцкага. 

Дзень знаёмства скончыўся позна вечарам, дзеці былі стомленыя, але задаволеныя сяброўствам і шчыльным графікам. Сустрэча атрымалася вельмі душэўная, хочацца спадзявацца, што яна паспрыяе далейшаму станаўленню добразычлівых адносінаў паміж беларускамоўнымі класамі. 
Алена СІНЯЎСКАЯ
 
Использованы материалы газеты "Брестский вестник" от 15 марта 2016 года
Комментарии:
Оставлять комментарии могут только авторизованные посетители.